مارال ( قصه ها ، شعرها و یادداشت های علیرضا ذیحق)
نقل مطالب ترکی و فارسی این وبلاگ در مطبوعات، کتب و شبکه های اجتماعی با ذکر نام نویسنده بلامانع است. alirezazihagh@gmail.com
مارال ( قصه ها ، شعرها و یادداشت های علیرضا ذیحق)
نقل مطالب ترکی و فارسی این وبلاگ در مطبوعات، کتب و شبکه های اجتماعی با ذکر نام نویسنده بلامانع است. alirezazihagh@gmail.comقصه ای از " محمد بهارلو " به زبان ترکی / هف سین / ترجمه : علیرضا ذیحق
محمد بهارلو ترجومه : علیرضا ذیحق
هف سین
حئکایه
محمد بهارلو ترجومه : علیرضا ذیحق
هف سین
حئکایه
پَتی نی وئردی قیراغا کی اوز گؤزونو توتمایا .باشینی چؤنده ردی و میز اوستونده کی ساعاتا باخدی. ناهارین اون ایکیسی ایدی. تیلفونو تاخدی باشی اوستونده کی پیریزه . آیاغا قالخاراق اَلینی آتدی دووارا .پرده نی پنجره نین قابا غیندان قیراغا وئره رکن، گؤزونوتیکدی اوزاق داکی داغلارا . یئل اَسیردی و هاوا بولود ایدی. اوجاغین آلتینی یاندیردی و چایدانی یاریمچیلیق حالدا سو ایله دولوردی کی قایناتسین . حاما ما گیریب ایستی سویو آچدی. دؤزدو کی سویون بوخارینان حامام قیزیشسین . سونرا سویونوب گیردی دوشون آلتینا و اوز گؤزونو صابین لادی. ساغ اَلینی کی صابین لا کف لن میشدی چکدی بوغلانمیش آینا نین جانیناو سونرادان اورابیر اُووج سو سَپدی. باخدی گؤردو گؤزلری نین آلتی قَره لر کن چوخورا دوشوبدی. اوزونو صابین لافیرچالادی و باشلادی قیخما غا . حُوولو چیینینده حامام دان چیخاراق قاپی نین زنگی اوچ یول چالیندی . یئرده کی پَتی نی قاتلادی و آتدی دؤشه یین اوستونه . سونرادا پَتی نی دؤشه یی و بالیشی گؤتوروب آپاردی اواوتاغا کی اوردا اَن سیز بیر تاختا تخت وار ایدی. دوشه یی سالیردی تختین اوستونه کی یئنه اوچ یول قاپی نین زنگی چالیندی . قاپینی آچمادان دئدی:
- بلی؟
- نییه به قاپینی آچمی سان ؟
- چیخ گل اوسته .
حُوولونوآسدی حامام دا کی آسقی یا و آینایا باخاراق باشینی دارادی .سونرا گئدیب چای نی یه چای سالیب اونا چایدان دان قاینار سو تؤکدو . ائوین قاپی سینی آچماق لا بَتَر بیر سویوق ایچه ری باسدی. آسانسورون قاپیسی آچیلدی و قادینی گؤردو کی بیر اَلینده بولور قابدا قیرمیزی بالیق واردی و بیراَلینده ایسه ساخسی گولدان کی اوندا سبزه گؤیه ردیب دی.
- سلام .
- سلام.
-ایندی یه جان ائله یاتمیشدین ؟گؤزلریندن هله یوخو تؤکولور. نولاردی کی بو گون بیر آز تئز یو خودان دوراردین .
-بو گون آخی بایرام گونو دی.
-اوندا نئجه اولاردی کی ؟
بالیقین قابین قویدو میتباخ داکی پیشخان اوستونه و گولدان داگؤیه رتد ییی سبزه نی ده پنجره یه یاخین بیر میزین اوزه رینه . قادین گئتدی پنجره یه ساری ومانتوسونون دویمه لرین آچدی.
-نییه به پنجره نی آشمی سان ؟اوتاغین هاواسی چوخ بوغوناق دی.
پنجره نی یاریمچیلیق آچدی و مانتوسونو سالدی آسقی یا .
-شومینه ده کی هله یانیری!
-گئجه لری اوشوره م .
- سن ده ائله همیشه اوشورسن .
- بو ائوه هله عادت ائله مه می شم . هریانی بوم بوزدی. اؤزومو هله تاپانمامیشام . هاردا اوتوروب دوردوغومو هله یاخچی بولوموره م .
قادین گؤزلرینی بَره لده رک اونا باخدی.
- سن ده اَل چک بو سؤزلردن .
- جانیم اوشویَنده فیکریم ده ایشله میر .
- بَدَنین ده سویوق دی.
کیشی باخدی بیله سینه . دورموشدو پیشخانین او اَلینده.
- سن نئجه سن ؟
-من ده یاخچی یام .
-دوغرودان ؟
قادین اوزونو یانا چئویره رک باخدی یویو لمامیش ایستیکانلارا .
-نییه به بونلار بو قَدَر لکه لی دیله ر؟
- یویورام آمما تمیز لن میر لر.
- گرک اوس لرینه سو آچیب تمیز لی ییجی مادّه توکه سن کی بیر گئجه تمام اوستون دن گئچه . دئمک کی هر زاد یئرینده دی. ایش میشین اولسا دئه گینه !
کیشی اؤزونه بیر فینجان داغ سو آچدی.
-نه ایشیم اولاجاق کی، هئش زاد.
- سیککه واریندی؟
- جیبیمه باخیم دئییم .
سنه قالان دَخیل ده گرک بیر نئچه سیککه اولاردی. -
- بولموره کی هارا قویموشام .
هازامانا جان ائله بو ائو تؤرتؤکونتو قالا جاق؟-
کیشی بیر خورتوم داغ سو ایچدی. نَفَسینی تَزه له دی و بیر سؤز دئمه دی. آسقی دا کی شالواردان بیر نئچه سیککه چیخارتدی و وئردی قادینا .
ساریمساق نئجه؟-
-فیکرائلیره م بولقون دا اولا .
قادین گئتدی بولقونا و آغ ایری بیر ساریمساق لا قاییتدی .
-آغاش قاب قاجاق لار هاردادی؟
-هانسی لار؟
-اوننارکی نئچه ایل بوندان قاباق قوزئی دن آلدیق .
-شاید بو چکمه جه لرین بیرینده اولا.
آختار تاپ گینا .-
چکمه جه لری بیر بیر آچیب آختاردی. بیر شوشه چیخارتدی.
بو دا ایی ده . اوزه رلیک نئجه ؟ ایستیر سن ؟-
اَل آتدی چکمه جه یه و بیر شوشه کی ایچینده اوزه رلیک وارایدی وئردی اونا . سونرا آغاج قاب قاجاق لاری چیخاردیب تؤکدی پیشخانین اوزه رینه .
- فیکر ائلیردیم کی اَل یازما قرآن لاری ساتیب سان .
اوره ییم دن گلمه دی. آنامین کی دیلار. یادیگار وئریب دی . -
-اگر منیم اولسایدیلار نئجه ؟
منظورون نَدی؟ -
هئش زاد . -
بَیه من هازامان سنین مالین ساتمی شام ؟-
- دیلین زَهَر دی . آدامی سانجیری.
سنین دیلین نئجه ؟-
ایستیرسن گینه باشلی یاسان ؟ -
اَوّل سن باشلادین . -
-ایستیردیم ائله بئله سینه بیر سؤز دییه م . آمما سن ...-
- دایاخچی، قورتار گؤره ک .
قادین ایسته دی بیر سؤزدیییه کی کیشی دئدی :
-خواهیش ائلیره م بویور . اوتانما !
قادین گئتدی تامام قدّ آینانین قابا غیندا دوردی. کیشی اونا باخمادی. قادین اَل آتیردی ما نتوسونا کی نَدَنسه قاییتدی. کیشی فینجان دا کی داغ سویون قالانین قاب قاشیق یویو لان له یه نه بوشالدیب اؤزونه بیر چای بوشالتدی. سونرا گئتدی پنجره نی باغلادی. قادین آه چکه رک بیر نفس آلدی.
کیشی بوز دولابی نین قاپی سینی آچیب ایکی قیرمیزی آلما گتیردی . آلما لارین بیری زَذه لی ایدی و اوستونده قارا خال لار وارایدی. قادین ساح آلمانی سئچه رک آغاج قاب لار ا دا، ایی ده نن اوزه رلیک قویوب دوزدی میزین اوستونه .
-چوخ یاخچی. بو اولدی آلتی سی . سیرکه نئجه، وار؟
کیشی بوز دولابیندان بیر شوشه سیرکه چیخاردیب قویدی پیشخانین اوستونه .
قادین دئدی : - بالاجا بولور بیر قاب نئجه ؟
کیشی اویان بویانی آختاریب آغزی آتمیش چات بیر چینی کاسا تاپدی.
قادین دئدی:- بوداکی چات دی.
-دا آیریسی یوخ دی.
- نییه به ائوه بیر زاد آلمیرسان ؟
-چوخ شئی لر هله آلما لی یام .
قادین سیرکه دن بیر آزینی تؤکدی چینی قابا و کیشی بیر خورتوم چای ایچدی .
نه ده بَح قوخوسو وار-
- چای ایچیرسن وئریم .
-گؤیلوم چکمیر. شام نئجه واردی ؟
-وار.
قادین میزین دؤوره سینده چاخ ووروب دوزدویو هف سین سوفراسینا باخدی. بعضی لرینی اویان بویان ائله دی و بالیقی نان گولدانی گتیر دی قویدو سوفرا نین وَسَطینه . آلمانی دا اَله آلیب سوتدو کؤینه یی نین قولونا و باشاردیقجا اونو پاریلداتدی.
- به نه اولدی ؟
نَمَنه نه اولدی؟-
- شام .
-گرک آختارام . هئش زادین یئری بَللی دَیی.
-شامی دا پس اؤزون یئر به یئر ائله . بیرین قویارسان میزین بو باشینا بیرین ده اواباشینا .
ممنون کی بوینوما مینَّت قویوب گلدین . -
-ایل تحویل اولاندا ائوده سن یا گئنه ...
-گئنه گئده جه یه م آنام گیله .
قادین دورموشدی کیشی نین اؤنون ده و کیشی ده ، چایی نین قالا نین ایچیردی. قادین مقنَعه سینی باشیناسالاراق مانتوسونی گئیدی.
کیشی سوروشدی :
- بونه دی بار ماغیندا ؟
اوروک دی. قَشَح دی هَن؟-
قادین بارماق لارینی اونا گؤستره رک کیشی بیرده اوزوگه باخدی.
به نییه به قیزیل اوزویون بارماغان تاخمی سان ؟-
بونو داییم آلیب . گوموش دی. -
- سن هئش واخ آلدیغیم حلقه نی بارماغان تا خمادین .
سن ده ائله هئش واخ منیم اوزویو مو بارماغان تاخمادین . -
- من دا هاهئش واخ اَلیمه اوزوک تاخمی یا جاغام .
- بو دا دایی مین تؤحفه سی دی. یو خسا من ده تاخمی یا جاغ ایدیم.
- موبارکین اولسون .
کیشی نَفَسی نی تَزه له دی و قادین گئتدی قاپی یا ساری .
آیری سؤز ساوین یوخ دی کی دا؟-
کیشی دئدی : - یئنی ایلین موبارک اولسون .
قادین دئدی:- سنین ده بایرامین موبارک اولسون .
قادین ، قاپینی آچیب دیشاری چیخدی. کیشی ده ،گئتدی اوتوردی ، پیشخان دالیندا کی صندل ده .