مارال ( قصه ها ، شعرها و یادداشت های علیرضا ذیحق)

مارال ( قصه ها ، شعرها و یادداشت های علیرضا ذیحق)

نقل مطالب ترکی و فارسی این وبلاگ در مطبوعات، کتب و شبکه های اجتماعی با ذکر نام نویسنده بلامانع است. alirezazihagh@gmail.com
مارال ( قصه ها ، شعرها و یادداشت های علیرضا ذیحق)

مارال ( قصه ها ، شعرها و یادداشت های علیرضا ذیحق)

نقل مطالب ترکی و فارسی این وبلاگ در مطبوعات، کتب و شبکه های اجتماعی با ذکر نام نویسنده بلامانع است. alirezazihagh@gmail.com

قصه های قرآن به زبان ترکی /" اصحاب کهف " ین داستانی / علیرضا ذیحق

علیرضا ذیحق


قرآن ناغیل لاری:



" اصحاب کهف " ین داستانی

 

 

روم اؤلکه سینده " افسوس " آدلی بیر دیار وارایدی کی اوردا بیر پادشاه حؤکوم سوره رک تانری لیق ادّعاسی ائدیردی و ائله شوکت ، جلال و قودرَته صاحیب ایدی کی کیمسه جینقیرین چکیب سؤزونون اوستونه سؤز دییه نمزدی. تانری یا اینامی اولانلار دا ظاهیر ده ایمان لارینی گیزله دیر دیلر کی اونون غَضَبینه اوغرامایالار .


    علیرضا ذیحق


قرآن ناغیل لاری:



" اصحاب کهف " ین داستانی


 

روم اؤلکه سینده " افسوس " آدلی بیر دیار وارایدی کی اوردا بیر پادشاه حؤکوم سوره رک تانری لیق ادّعاسی ائدیردی و ائله شوکت ، جلال و قودرَته صاحیب ایدی کی کیمسه جینقیرین چکیب سؤزونون اوستونه سؤز دییه نمزدی. تانری یا اینامی اولانلار دا ظاهیر ده ایمان لارینی گیزله دیر دیلر کی اونون غَضَبینه اوغرامایالار . آمما بو سولطانین آلتی گنج وزیری وارایدی کی سارای دا سلطنت تختینده اوتوراراق اوچو ساغیندا اولاردی و اوچو سولوندا . او بوتون ایش لرده اونلارینان صلاح مشورت ائدیب اؤلکه ده اقتدار لا حؤکم ائتسه ده آنجاق وزیر لردن بیری کی آدی " تملیخا " ایدی بیر گون گؤرور کی دوشمان آدی گلدیک ده پادشاهین جانینا قورخو دوشه رک اَل قولو اَسیر. بو اوزدن ده اونون تانری لیق ادّعاسی بیله سینه چوخ گولمه لی گلیب بوتون یولداش لاری نان دانیشیب بحث ائتدیک ده اؤلکه دن قویوب گئتمک قرارینا گلیر لر تا آزادلیق لا ائده بیلسین لر بیرجه بؤیوک تانری نین سییتاییشینه چالیشسین لار . اونلار سارای دان گیزلی حالدا قاچاراق پادشاهین خبری اولوب داللاریجا قُشون سالیر. آمما اونلاردا اَل دن چیخاراق بیر چوبانین یاردیمی له کی اوایسه بیرجه آللاها ایمان گتیریر کسه یول لار لا گئده رک چوبانین آلاجا ایتی " قطمیر" اونلاری تک قویماییر . چوبان ، ایتی داشلارکن بیر ده بیره ایت گلیب دئییر :

" من ده سیزله همسفر اولماق ایستیره م کی ییرتیجی حئیوانلاردان هامیزی قورویام . "

بو ایتین دانیشماسی اونلاری حئیران لیقا جومدورارکن اؤزلری نه یول یولداشی ائدیرلر و چوخلو تهلوکه لردن جان قورتاراراق بیر غار گؤرورلر و گئجه نی اوردا یاتاراق تانری نین امری له عزرائیل اونلارین جانینی آلیر. پادشاهین قوشونو اونلارین ایزینی آرارکن غارین آغزینا چاتدیقدا هامیسی نی آغیربیر یوخودا گؤره رک ، سولطانین فرمانی نان ایچری گیرمه دن ،غارین آغزینی داش و ساروج لا برکیدیرلر و ائله اولور کی حتتا نفس چکمه یه ده بیر دئشیک قویمور لار قالا .

اونلار کی " اصحاب کهف " آدلاناراق تاریخ ده آدلاری هئچ واخت اونودولمور 309 ایل دن سونرا تانری نین ایراده سی له حیات تاپاراق یئنه دونیایا قاییدیرلار و داش قایالار غارین آغزیندان کنارا چکیله رک گؤرورلر کی هریان قوراقلیق دی و او یاشیل طبیعت ایله آخان چشمه لردن هئچ خبر یوخدور. اصحاب کهف آجلیق حیس ائده رک " تملیخا " ، یئمک آلماق اوچون یولا چیخاراق هر یانی غریبه حالدا دَییشیلمیش گؤرور. " تملیخا " ایلک باخیشدا هر بیر زادی رویا کیمی بیلیب گؤزلرینه اینانماسادا هر زاد دوغرودان دوغرویا گرچک ایدی. نییه کی آداملارین ائولری ، قیلیق لاری و یاشاییش لاری  دَییشسه ده هر زاد جانلی ایدی .

بو دَییشیک لر " تلمیخا " نی کیریخدیرسادا بیر چؤرکچی خانا یا گئدیب چؤره ک آلارکن وئردی یی پوللار توکانچی نی شاشیرداراق دئییر :

" اولمایا خزانه زاد تاپیپ سان ؟ بو پول لار چوخ قدیم لره عایید دیر و گرک دیر کی اونلاری صرّاف لار داخیردالایاندان سونرا بازارا چیخاردین . "

" تلمیخا " اؤز ماجراسینی آنلاداراق اؤلکه نین پادشاهی عبدُالرحمانین دا خبری اولوب اونو قصره چاغیریر. آمما کیمسه اونا اینانمادان ، بیله سینه دئییر لر کی اگر سن بورالی اولسان گرک دیر کی قوهوم اقربان دا اولا. " تلمیخا " دوشوب شَهَری گزه رکن اسکی بیر تیکینتی یه راسلارکن دئییر :

" بورا منیم ائله اؤز ائویم دیر . آمما دونن دن بویانا بو قَدَر دَییشیک لیک چوخ عجیب دیر. "

" تلمیخا " قاپینی دؤیه رکن قوجامان یاشلی بیر کیشی دیشاری چیخارکن ، ماجرانی ائشیتدیک ده دئییر :

" تانری یا آند اولسون کی بو منیم بؤیوک جدّیم دیر و او دانیشان واقعه لری دفعه لرجه عائیله م دن و کئچن نسیل لردن ائشیت میشه م . "

او عصرده عبدُالرّحمان دان باشقا کی مسیحی لرین پادشاهی ایدی بیر حاکیم ده وارایدی کی یهودی لرین شاهی ایدی و اونلار آتلی لار لا بیر لیک ده " تلمیخا " نی دا گؤتوروب او غارا گئده رکن بیله سینه آنلادیر لار کی سن دییه ن زامان دان 309 ایل کئچیری. " تلمیخا " دا کیمسه نی غارا یول وئرمه دن دئییر :

" من گرک یولداش لاریما دا بو گرچه یی آنلادام و اونلار حقیقتی بیلدیک دن سونرا ، بیر لیک ده دیشاری چیخاق! "

یولداش لاری دا اولوب کئچن لری بیله رکن دئییر لر :

" بیزلر بیرگون یاتاراق بو قَدَر زامان کئچیرسه حتمَن کی اؤله رک یئنی دن دیریلمیشیک و و بو ایش ده تانری نین بیر حیکمتی واردی ."

اونلار بیر بیر لری نن مشورت ائده رک ، یئنی دن دونیایا قاییماغا گؤیول سوز اولاراق آللاه تعالا دا ن اؤلوم دیله رکن تانری دوعا لارینی مستجاب ائدیر و هامیسی بیر داها دونیالارینی دَییشیر لر. خلقین گؤزو اؤنون ده ایسه، بیر گؤز قیرپیمین دا سانکی داغ یوکسه لیری و غار بوتون لوک له گؤزدن ایتیری. ائله اولور کی آیلارجا اورالاری دولاشیب آختارسالاردا او غاردان بیر نیشان گؤره نمیرلر.

بو ایکی پادشاه او یئرده بیر معبد قاییرماق لا بیر بیر لری ایله آغیر بیر محاربه یه گیرسه لرده آخیردا عبدالرحمان فاتح اولاراق حئشمت لی بیر عیبادتگاه سالدیریر لار کی اوزون بیر سوره تانری سئوه رلرین زیارتگاهی اولور.

اصحاب کهف ین خاطیره سی و اونلارین آللاها اولان صاف اینانج لاری هم مه شه خلق اوچون عیبرت آیناسی اولاراق ، هئچ واخت اونودولمایاجاق دیر.

 

 

 

نظرات 0 + ارسال نظر
امکان ثبت نظر جدید برای این مطلب وجود ندارد.