قصه ای به زبان ترکی / قویونون روحو / حکایه / غلامحسین ساعدی / ترجومه ائده ن : علیرضا ذیحق

غلامحسین ساعدی  / چئویره ن : علیرضا ذیحق

قویونون روحو

حکایه

بییر قویو و بیر پاسقاه قویونون یانیندا . بیر یاتماق تختی نی قویونون کنارینا قویوب لار . حلقه لن میش بیر کندیر، پاسقاهین دوواریندا میخ دان آسیلی دیر . یاتاق تختی نین کناریندا ، بیر قاب سو ، بیر آز داش و قویونون آغزین اؤرتمک اوچون بیر داش قاپاق ، چوغلو آغاج و قیویر زیویر .
 

 

غلامحسین ساعدی  / چئویره ن : علیرضا ذیحق

قویونون روحو

حکایه

بییر قویو و بیر پاسقاه قویونون یانیندا . بیر یاتماق تختی نی قویونون کنارینا قویوب لار . حلقه لن میش بیر کندیر، پاسقاهین دوواریندا میخ دان آسیلی دیر . یاتاق تختی نین کناریندا ، بیر قاب سو ، بیر آز داش و قویونون آغزین اؤرتمک اوچون بیر داش قاپاق ، چوغلو آغاج و قیویر زیویر . قویونون ترکیندن بیر کیشی نین سیزیلتی سی اوجالیب دیر . قُوروروجو کیشی تختین اوستونده اوتوروب دور و مشغول دور یئمک قابلاماسینی وقاب قاشیقی ییغیشدیرماغا و آغزیندا کی تیکه نی راحاتلیق لا چئینه مه یه . قویونون ترکیندن قوغزانان سس بیردن کسیلیری . قوروجو کیشی چئینه مک دن قالیری و قاییدیر قویویا باخیری . بیردن بیره اوجا بیر قیشقیرتی قویونون دیبیندن قولاغا چاتیری . کیشی اِهمال- اِهمال تیکه سینی چئینه ییری و قولاق آسیری . نعره گئتدیکجه اوجالیری . کیشی یئدیغی تیکه نی اودوری . قویودان گلن چیغیرتی قولاغی اذیت ائدیری . قُوروجو کیشی یئریندن دوروب و غضب له قویونون باشینا گلیر و اَییلیب باخارکن نعره کسیلیری . سس، یالواریش لار لا قولاغا چاتیر : " آغا ، آغا ، آغا!" قُوروجو کیشی بیر اُووج داش کسسک  گؤتوروب آتیر قویونون دیبینه . قویودان گلن اینیلتی تهدیدلرله قاریشیر : " های ، های ، آها !"   قوروجو کیشی آیاغا قالخیب ساعاتا باخیری و اؤزونو حاضیرلارکن اویان بویانا باش اوازالدیر . ایکینجی قوروجونو گؤزله ییری . قویونون دیبینده کی سسی یئنه سیزیلتی یا چئوریلیر . اینیلتی کسیلیب نعره یه چئوریلیر . کیشی قاییدارکن نعره داها اوجالیری . کیشی یاخین لاشاراق قویویا باخیری . قویونون سسی ایلتیماس و یالواریش لار لا دولودی: " آغا ، آغا ، آغا ! " . قُوروجو کیشی اَییلیب چیغیری: "خفه لن ! " و سونرا غضب له قویونون داشینی چئویریر آغزینا . قویون دیبندن قالخان سس تهدید له قوغزانیر: " آهای ، های ، های !" نئچه لحظه سونرا قویونون دیبیندن بیر شئی قویونون داشینا توخونور وقویونون دیبنیدن قوغزانان اوجا بیر اینیلتی دن  سونرا  ، کیشی قویونون آغزینا بیر داش داها قویور و اینیلتی سسی قویون ترکیندن یئنه اوجالیری .

ایکینجی قُوروجو گلیری . قاباقکی قورجو یوک یاپین گؤتوروب  تله سیک یولا دوشوری . ایکینجی قُوروجو چانتاسینی  تختین اوستونه قویوب و بؤرکون چیخاردیری و کئشیک دورماغا آماده اولوری . اینیلتی نین سسی او قدر اوجادیر کی  قوروجو کیشی نین دیققه تینی چکیری . یاخینا گئدیری و قویونون آغزیندا کی داشلاری قیراغا وئریری . سیزیلتی کسیلیری و سس ، ایلتیماس لار قاریشیری : " آغا ، آغا، آغا !" . کیشی اَییلییب چیغیریر: " های ! " سس داها یالواریش لی اولور : :" آغا ، آغا !" . کیشی قالخیب گلیری و چانتاسین آجیب بیر تیکه چؤره ک قوپاردیب آتیری قویویا . آزجا گؤزله ییر و سس کسیلیر . کیشی قاییدارکن تختین اوستونده اوتوروب اماده اولور کی یئمه یین یئسین . سس یئنه یالوارماغا چئوریلیر : " آغا !، آغا ! " کیشی قاییدیر و قومقومانی سویونان دولدوروب آغزینی باغلارکن گئیر قویونون یانینا و سسله نیر : " هی !" و قومقومانی آتیر قویونو ترکینه . سس کسیلیر کیشی قاییدیر سوفره سی نین باشینا کی یئمه یینی یئسین .  اینیلتی سسی یئنه اوجالیر .  قُوروجو کیشی یئنه قویونون باشینا گلیر . سس ایلتیماس لارلا دولودور : " آغا ، آغا!" کیشی چیغیریر : " هی !" قویونو دیبیندن یئنه بوسس قوغزانیر: " آغا ، آغا ، آغا!" کیشی قالخیب فیکیر له شیری . سونرا اوزونو کندیره چئویریب یئنه اَییلیری قویویا و چیغیریر : " هی !هی! هی!" . سس یالوارماغا چئوریلیر . کیشی گئدیری و شوبهه له کندیری میخ دان آییریب  گتیریری . آزجا دوشونوری و یان یؤوره سینه باخاراق کندیری سالیر قویویا .  قویونون سسی بالا- بالا دَییشیلیری .  سس ، چوخ سئوینجک ، اومود و ممنونیت له دولودو .: " آغا ، آغا ، آغا،آغا !" قوروجو کیشی کندیری ییغماغا باشلیر . چوخ زحمتی نن کندیری یوخاری چکیر . قویونون سسی اِهمال – اِهمال عوض له شیری . سئوینجک ، اومودلو ، نیفرت لی و هده قورخولو اولور : " آغا ، آغا ، آغا ، آغا ، آغا!" . بیردن بیردن بیرجوت چوخ یئکه اَل ، قویونون آغزیندان یاپیشیر . قُوروجو کیشی اؤزونو ایتیره کن چوخ قورخولو حالدا ، قویویا باخیری . بیردن بیره کندیری اؤتوروب و چاره فیکرینه دوشور . بیر غول اؤزونو قویودان یوخاری چکیر . قُوروجو کیشی اَل آیاغینی ایتیریب قاچیری . غول اَییلیب یئردن بیر آغاج گؤتوروب و قهقهه ایله ، قُوروجو کیشی نی قُووالاییری .

 1350 . ه. ش