شعری از مفتون امینی / ترجمه به ترکی : علیرضا ذیحق

مفتون امینی  / ترجومه : علیرضا ذیحق 

درد هاواسی

عاطیفه‌جان!

یادیندامی گنج‌لی ییمیز

                کی بیلمزایدیک گوندوزلرنه سایاغ گلیر

                و گئجه‌لر نه جور اؤتور؟

تا کی عؤمرون یاریسیندا

                ایلیق لیق و یاریمچیق رنگ‌لرله دولو آنلاردا

بالا – بالا آنلادیق کی

یولون یاریسیندا آددیم‌لار و دقیقه‌لرده آزجا آغیرلاشیرلار

یورقون لوق‌لار ایستی له‌شرکن قانلاردا سویوقلاشیر

اوزامانلار ایدی کی

گوندوزلر چالیشماق دان و گئجه‌لر خیال قورماقلا دولو ایدی

و بیز سایمادان یاناچارچی لیق‌دان

اؤز- اؤزوموزه اومودوئره‌رک دئییردیک:

بوگون ده پیس یا یاخشی کئچدی

یا بو هفته‌نین ده بئلی سیندی!

و یا آی باشینادا چوخ قالمادی ...

            

اوندا ایدی که چوخ گئج ولاب قوجا چاغ

ایستی و سویوقا طاقت سیز هر چیلله کئچدیکجه عادتله دئییردیک

قیش‌دا أریدی

یاصاباح بیریسی گون‌دورکی یئیین بیر یئل گله و یایی دا آپارا

و ایندی بوم- بوش بیر آندا

اوزبه اوز دووارا گؤزتیکه رک

ای آینا ای صاف اوره‌ک  سندن سوروشورام

کی حقیقت ده‌ و سوندا

سینان کیمدیر؟

أری‌ین ندیر؟

ویئل قووان هانسی‌دیر؟ ...