مارال ( قصه ها ، شعرها و یادداشت های علیرضا ذیحق)

مارال ( قصه ها ، شعرها و یادداشت های علیرضا ذیحق)

نقل مطالب ترکی و فارسی این وبلاگ در مطبوعات، کتب و شبکه های اجتماعی با ذکر نام نویسنده بلامانع است. alirezazihagh@gmail.com
مارال ( قصه ها ، شعرها و یادداشت های علیرضا ذیحق)

مارال ( قصه ها ، شعرها و یادداشت های علیرضا ذیحق)

نقل مطالب ترکی و فارسی این وبلاگ در مطبوعات، کتب و شبکه های اجتماعی با ذکر نام نویسنده بلامانع است. alirezazihagh@gmail.com

اینسان و توپراق / شعر / ترکی / علیرضا ذیحق

  علیرضا ذیحق

اینسان و توپراق

 

سارماشیق گول لرین اؤپوپ کؤکؤن دن

آسیرام بیر کوف کیمی بوداق بوداقا

اوشاقلار کوف گئدیب

گولو مسه ییرلر

قاماشیر گؤزلری گون ایشیقیندان.


 

   علیرضا ذیحق

اینسان و توپراق

 

سارماشیق گول لرین اؤپوپ کؤکؤن دن

آسیرام بیر کوف کیمی بوداق بوداقا

اوشاقلار کوف گئدیب

گولومسه ییرلر

قاماشیر گؤزلری گون ایشیقیندان.

ومن تار لادا

سؤیکه نه رک آغا جا

بیراُووج تورپاغی

عطیرلی نور تک

سپیره م قلبی مین کوچه له رینه

و مَملکتیم جانلاناراق گؤزوم ده

اؤزومو گؤ روره م قانلار گؤلونده .

أل آتیب کؤنلومو بایراق ائتسه م ده

هئچ قاماشمیر گؤزوم نوردان گونش دن

قارانلیق کؤچه رک

 گؤزلریمه بیردن

یئنه ده اوشاق لارین سئوینجی هردم

آییراراق گؤزلریمین

کیپریک قاپاغین

آییلدیر کوف گئتمه یین هَوَسین منده.

 

کوفا مینمهیه سیرام چاتینجا

بَللی ره م گؤی ده کی

 گؤی قورشاغینی

تاولانیب ، توو آلیب اوجالیق لارا من

گؤ روره م بوینومو آسیلان داردا

 و اوراغ تک رنگ لی

 او گؤی کندیری

سیخیر تیخجالیر

دیلک لر جانین .

قانلار آمما داملا داملا آخاراق

بیر بوخچا گول تک ساوریلیر گؤی دن

چئوریلیر اَمزییه قیزیل قیر میزی

قونداق دا بَبه لر سورورلار اونو

بوخچا دا ایتیری

لاله لر ایچره.

بوتون ائل لرده آخین- آخین آخیری

سورولموش سؤکولموش شوخوم لوق لارا

گؤ رور لر کوتانا ایلیشیب بیر کفن

گولله لر له دئشیلمیش

قانلی پرچم کیمی .

یاشلانان عؤمرومون یاغمور لاریندان

قاچماغا اولمایینجا آیاغیم منیم

 هله ده هایلیرام ای مَملَکتیم

سئوگیم غوروروم

سنهیئتمیردی بَیه

آلدین گؤزلرین ده، آغین قاراسین؟

سعادت برکت دیله ر کن سنه

قویمادین بیرجه گون بوغولمادان تئز

آزادلیق لا دنیزهیاخینلا شام هئی .

دادامادیم ، دادمادیم دادینی دا اگر

آغری لارین بس دیر

داها مَملکتیم

کدر لرینیئته ر داها مَملکتیم!

آنجاق دئمه بیلمیربودا

هر اؤلکه ده، هر اوبادا

سوچ لار هئچ واخت یوردون دئییل

تانری دئییب اینانمایان اینسان دا دیر

اینسانلارین جیبینده دیر

میزین ده دیر

 بئش اون گونلوک کئفینده دیر !

سیرداش لاریم ، ائل داشلاریم

مَملکتین توی بایرامی، دونیانین شادلیقی دا

چیچک لرین ایچینده سه

بیر ده سیزین اَلیز ده دیر

سایری شان گون لری نن

کوف گئده ن گول لر ده دیر!

نظرات 0 + ارسال نظر
امکان ثبت نظر جدید برای این مطلب وجود ندارد.