مارال ( قصه ها ، شعرها و یادداشت های علیرضا ذیحق)

مارال ( قصه ها ، شعرها و یادداشت های علیرضا ذیحق)

نقل مطالب ترکی و فارسی این وبلاگ در مطبوعات، کتب و شبکه های اجتماعی با ذکر نام نویسنده بلامانع است. alirezazihagh@gmail.com
مارال ( قصه ها ، شعرها و یادداشت های علیرضا ذیحق)

مارال ( قصه ها ، شعرها و یادداشت های علیرضا ذیحق)

نقل مطالب ترکی و فارسی این وبلاگ در مطبوعات، کتب و شبکه های اجتماعی با ذکر نام نویسنده بلامانع است. alirezazihagh@gmail.com

مقاله ترکی / علی قافقازیالی نین ” قافقاز قوچاقلاری ” آدلی رومانینا مضمون جهتیندن باخیش / علیرضا ذیحق

دلیران قفقاز     علیرضا ذیحق

قافقاز قوچاقلاری ، قورتولوش هارایی چکیرلر


علی قافقازیالی نین ” قافقاز قوچاقلاری ” آدلی رومانینا مضمون جهتیندن باخیش


پوروفسور دوکتور علی قافقازیالی نی ایران و دونیا تورک لری حاققیندا آپاردیقی تدقیق لرله تانیساق دا و اونون گؤرکملی بیرآکادمیک  دیلچی اولدوغونوبیلسه ک ده ، اونون ” قافقاز قوچاق لاری ” رومانی یئنی بیر حادیثه کیمی تورک ادبیاتیندا اوجا بیر زیروه یه چئوریلیب دیر . یازیچی نین ادبی یارادیجیلیقی ، بو اثرده گرچک لر و خیال گوجلری له قاریشاراق بیزی آجیماسیز بیر دونیانان تانیش ائدیر .


  

علیرضا ذیحق

قافقاز قوچاقلاری ، قورتولوش هارایی چکیرلر


علی قافقازیالی نین ” قافقاز قوچاقلاری ” آدلی رومانینا مضمون جهتیندن باخیش


پوروفسور دوکتور علی قافقازیالی نی ایران و دونیا تورک لری حاققیندا آپاردیقی تدقیق لرله تانیساق دا و اونون گؤرکملی بیرآکادمیک  دیلچی اولدوغونوبیلسه ک ده ، اونون ” قافقاز قوچاق لاری ” رومانی یئنی بیر حادیثه کیمی تورک ادبیاتیندا اوجا بیر زیروه یه چئوریلیب دیر . یازیچی نین ادبی یارادیجیلیقی ، بو اثرده گرچک لر و خیال گوجلری له قاریشاراق بیزی آجیماسیز بیر دونیانان تانیش ائدیر . آذربایجانا اولان سئوگیسی داها اوستون لوک قازاناراق قافقاز خالق لاری نین تاریخی حیاتینی تصویره چکیری . بو کیتاب ۲۰۱۸ نجی ایل آنکارا دا چاپ اولاراق علی قافقازیالی دان یئنی بیر سیما اؤنوموزده جیلوه لندیریر و حیکایه عالمینده اونون  زنگین تکنیکه و تجروبه یه صاحیب اولدوغونو بیلیندیریر .

قافقازیالی

بورومانی او خودوقدا قافقازین گؤزل طبیعتی اوخوجونون بئنینده جانلانارق اکتبر اینقلابی نین جان سیخیجی تأثیری ، اینسان دویغولارینی آجیداراق او خالق لارین سعادت آدلی دونیالارینی ییخیلمیش جالا چئویریر . قونشو خالق لار کی آذربایجان ، گرجستان و ارمنستان دیلار بیر بیر لرینه دوشمان اولاراق ، ان بؤیوک ضربه نی آذربایجان یئییری . ارمنی لر ، روسلار لا بیر له شه رک اوو تازی لاری کیمی حق ، عدالت و استقلالینی قورویان آذربایجان تورک لرینه قارشی یومولوب، گورجو لر له ایش بیر لی یینه گئچیب هله قیزیل اردو آذربایجانی ایشغال ائتمه دن ، مرزی تورپاق لاریمیزا هجوم گتیریرلر . قیزیل اردو آذربایجانی ایشغال ائتدیک ده علی قاققازیالی نین بؤیوک باباسی شهید دوشور و اوغلو کی قافقازیالی نین آتاسی ساییلیر و آلوی حاجی آدیله مشهور دور  بیر پارا ظولم لره و اؤزه ل لیک له کمونیزمه قارشی دوراراق ، شوروی میلیس لری طرفیندن تعقیبه آلینیب توتوقلانیر . او رشادت له زیندان دان قاچاراق بیر قوچاق کیمی عصیان بایراقی داشی ییب عؤمور گونو داغلاردا و اورمانلاردا گئچیر . آنجاق ساتقین اینسانلار اونو شیطان لاییب نئچه دفعه اؤلوم له قارشی قارش یا قالیر . عائیله سی ده آغیر گونلره شاهید اولورلار . آناسی زلیخا خانیم و قارداشلاری آغیر باسقی لار آلتیندا قالیب مال دؤولت لرینه کالخوز آدیله ال قویولور . قارادا شلاریندان بیری سیبری یه تبعید اولاراق زمانانین آخیشیلاآلوی حاجی قاچاق ساییلان ایللرده اونلارین بیری سیبری دن قاییداراق  دونیا ایکینجی محاربه سینده ایکی قارداش بیرلیکده شهید اولور لار و کوراوغلو آدلی قارداشی  کوراوغلو ساقی یاشایاراق توتوقلانیر و سیبری یه تبعید اولور . رومان دا بو روایت لر گئده رک اونودولماز شخصیت لر جان تاپیرلار کی اونلاردان بیری ” شریف شیکسته ” دیر کی بؤیوک عالیم و ائلدار بیری دیر . شریف شیکسته کی صمد وورغونون بیر حسابلا اوستادی ساییلیر ایلک شعر لرینی اونون حوضوروندا اوخویور . شریف شیکسته ، ملا پناه واقف ، ملا ودادی دن سؤز آچاراق  شهید دو شه ن فریدون بیگ کؤچرلی و جلیل محمد قلیزاده نن یاخین دوستلوق لاری وارایدی . شریف شیکشته نین خالق ایچره نفوذی باعیث اولور کی شوروی نین امنیتی قووه لری اونو سوچسوز اولاراق سیری یه تبعید ائتسین کی کیتاب دا اونون سیبری ده و یولدا یازدیقی یادداشت لارداها گئنیش یئر توتور .

آلوی حاجی مودّت لرجه گرجیستان ، ارمنیستان و داغلاردا  یاساق و قاچاق یاشایاراق بیر دسته قو چاق ایله کی جانلاری خطرده ایدی تورکیه سینیر لارینی مین مصیبت ایله گئچره ک قارصا گئدیرلر . تورکیه دولتی کی اوزامان مصطفی کمالین حکومتی آلتیدا ایدی بوتون آذربایجانلی لارا کی کازاک – بورچالی بؤلگه لریندن تورکیه یه گلیردیلر ، یئر ، ائو ، اکین ، زمی و باغ وئریردی و هئچ آذربایجانلی اوردا معیشت و حیات سورمه خصوصوندا بیر چتینلیک چکمیرد ی. آما آلوی حاجی بونلارا آلدانان بیری دئییل دی و آند ایچمیشدی که حیاتینی  شوروی دولتی ایله مبارزه ده  و اونون ظالیم قووه لرینه قارشی وقف ائتسین . تا کی قدیم دوستو قوچاق نوری اونو تاپیری و بیر دسته دوزلده رک یئنی دن قافقازا ساری دؤنور لر . قافقازا قاچاق گئده رک چکا رئیسی حسین اوو ی کی کازاک و بورچالی خالق لارینا اولمایان ظولمی داددیرمیشدی اله گئچیریب اؤلدورورلر . اونون اؤلومو شوروی قووه لرینه چوخ آغیر گلیر و او نلاری گونلر بویو محاصره ده توتوب ساتقین اینسانلاری اونلارین سوراغینا یوللورلار کی بو آرادا آلوی حاجی قولدان یارالانیر و آجی گونلرله اوز به اوز اولاراق سونوندا قار ص دا دوولتی خسته خانادا  تداوی اولور . آلوی حاجی بو سیرا دا بیر عشق یاشاییر آما او سئودا دان واز گئچیب حق ، عدالت و انصاف اوچون حیاتینی وقف ائده رک یئنی دن قافقازا گئدیب قوچاق نوری نین رهبر لی یی له قهرمان پاشازاده آدلی بیر تورک افسری ، گورجیستان دوستاق لاریندان قورتاریر لار .

دئمک کی بو رومان ۱۹ بؤلوم ده روایت اولاراق تورک آغیز  ادبیاتی نین عنعنه لرینه وفادار قالیب ده ده قورقود داستانی نین بویلاری و کوراوغلو داستانی نین سفرلری کیمی ، بیزی قهرمانلیق دونیالاریندا ، دورنالار کیمی اوچودور و شیرین نغمه لری ایله جوشا گتیریر .

علی قافقازیالی بو اؤلمز اثرله ، آذربایجان تاریخی نین بیر دؤنمی نی و اونون استقلالیتی نین پوزولماسینی و مینلرجه اینسانی سوچسوز یئرینه ، کمونیزم ایدئولوژی سینه کی آزادلیق و عدالتین اوندا معناسی یوخ ایدی و زوراکی شکیلده دوشونجه لرینی حاکیم ائتمک ایستیردی ، بدیعی بیر سایاق دا تصویره چکیب دی . اینسان بو رومانی اوخودوقجا ، عشقی آذربایجانا و اونون تورک خالقینا آرتاراق اؤز تاریخی گئچمیشینه سئوگی بسله رکن تورپاقیا و یوردا محبتی آرتیری .

علی قافقازیالی نین قار ص دا دوغولدوغو اوچون و رومانین ماجرالاری ایجاب ائده رکن ، قارص دان چوخلی سؤزلر گئدیر  و بو سیرادا تورک لرین قاردا شلیقی چوخ گؤزلجه قلمه آلینیر.

بو اثر فارسجا دیلینه ایسه   ۲۰۱۸ نجی ایلده ترجومه اولونوبدی و یاخین گله جک ده یاییلاجاق دیر .

مرداد ۹۷

دلیران قفقاز

نظرات 0 + ارسال نظر
امکان ثبت نظر جدید برای این مطلب وجود ندارد.