داستان کوتاه به زبان ترکی / بالا زرخانیم / حئکایه / علیرضا ذیحق

علیرضا ذیحق

بالا زرخانیم

حئکایه

سونا دوغولدوقدا ، قولاغینا اذان اوخویوب آدینی  قویاراق آتاسی  آیدین ، باروت گتیریب اونون بورنونا توتدو . آیدین ین باخیشیندا اصلانین ارکک دیشی سی اولمازدی. قیزی سونانی بیر ای ییت و قورخماز عسگر کیمی بسله مه لی ایدی . بیر کندده کی ائر منی لرله بیرلیک ده یاشاییردیلار و بوتون دوسلوق لارا گؤره چوخلوسو، منفعت لری ایجاب ائده رک هر بیر تورلو خیانت و ساتقین لیقا ال آتیردیلار هر بیر قیز بیر ارکک کیمی اولمالی ایدی . ائرمنی لرین چؤره یی دیزی اوستونده ایدی و پول ایله سیاست اونلارین آللاهی ایدی .

  

علیرضا ذیحق

بالا زرخانیم

حئکایه

سونا دوغولدوقدا ، قولاغینا اذان اوخویوب آدینی  قویاراق آتاسی  آیدین ، باروت گتیریب اونون بورنونا توتدو . آیدین ین باخیشیندا اصلانین ارکک دیشی سی اولمازدی. قیزی سونانی بیر ای ییت و قورخماز عسگر کیمی بسله مه لی ایدی . بیر کندده کی ائر منی لرله بیرلیک ده یاشاییردیلار و بوتون دوسلوق لارا گؤره چوخلوسو، منفعت لری ایجاب ائده رک هر بیر تورلو خیانت و ساتقین لیقا ال آتیردیلار هر بیر قیز بیر ارکک کیمی اولمالی ایدی . ائرمنی لرین چؤره یی دیزی اوستونده ایدی و پول ایله سیاست اونلارین آللاهی ایدی . سیاست دئمک ده گوج دئمک دیر . هر هانسی  اؤلکه  یا دسته گوجلو اولورسا حق یا ناحق بیلمه دن اونا ساری چکیلیب  قان تؤکمک دن اسیرگه مز دیلر . اؤزه ل لیک له روس لار اونلارین اربابی ایدی . هر نقشه وارلاری اولسایدی اونلارین الی نن ایره لی سوره ردیلر . دئمک کی اونلار هر مملکت ده یاشاییردیلاربیر پارا آنلاییش لی اینسانلارین چیخ  کوتله وی حالدا حوکومتین چاققال لاری و یئری گلدیک ده خائین لری حسابلانیردیلار . اؤزلرینه ده بیر حساب کیتاب لاری وار ایدی کی هر هاردا بیر کلیسا یا ائرمنی وارایدی اورانی ائرمنیستان  ساییردیلار و او فیکیرده ایدیلر کی بؤیوک قودرت لرله ال بیر لیک ائتمک له بؤیوک ائرمنیستان قورسون لار . بونلاردان کئچک و آیدین دان دانیشاق . آیدین آذربایجان لی بیر تورک ایدی کی قورد کیمی  ، قورخماز و جسور ایدی . اوشاقلیق دا ، کندلری ناخجیوان بؤلگه سینده اولاراق ائرمنی لرین باسقینی نا اوغراییب دیدر گین دوشموشدولر . آنجاق عائله سی و یاخین قوهوم لاری لا اوردان کؤچوب خوی شهرینه گلسه لر ده یئنه ، مسکن ائتدیک لری کندده   و شهرده ائرمنی لرله قارشیلاشیردیلار . سونا کیچیک یاشلاریندان آت مینیب توفنگ آتیردی . مکتبه گئدیب یازی پوزونو اؤیره نه رک قوچاق بیر قیز اولموشدو و 1918 ده گنج بیر قادین ایدی . آیدین، اولوب گچن لری آنلایاراق ائرمنی لرین گئجه لری گیزلی جلسه قورمالاریندان شوبهه له نیب اونلاری و بوتون ناخجیوان دان گلن خبرلری  ایزلیردی . آندرانیک آدلی بیری کی داشناک لارین باشچی سی ایدی  ایرانین چوخ شهرلرینی و اؤزه ل لیک له خوی شهرینی اله کئچیرمک اوچون لشکر چکیب بؤیوک ائرمنیستان قورماقا خاطیر قافقازین مسلمان تورک لرین گولله دن کئچیریب ایران لی ائرمنی و آسوری لرین ایسته یی اوزره ایرانا هجوم ائتمه یه جسارت تاپمیشدی . روس لارین یاردیمی و عثمانلی لارین اینگلیس و فرانسه ایله ساواش دا اولدوقلاری  اونلارا داها راحات و اویغون بیردوروم یاراتمیشدی . سونا ،باروت قوخوسو ایله بؤیویه رکن حافیظه سی آتاسی آیدین ین باشدان کئچیرتدی یی آجی خاطیره لر له دولو ایدی. اوراجان بیلیردی کی ائرمنی لرحتتا  آرواد لارین امجه یین کسیب اوشاق لاری بلک ده خنجر له میش دیلر ، اؤز دوغما دیلینه و ائلینه سونسوز عشقی اولاراق  یابانجی لارا هئچ اینانجی یوخ ایدی . او اینامیشدی کی تورکون ، تورک دن باشقا هئچ دوستو یوخدی . بو آرادا  ایران دؤولتی ده ضعیف له یه رک آندرانیکین الینه یئنی بیر فورصت دوشموشدو . خویا باسقین باشلامیشدی و چولوق جوجوق قورخودان ائولرینه سینیب هر آن ائرمنی لرین قان تؤکمه لرینی گؤزله ییردیلر . آنجاق آیدین لار، سونا لار و اونلارجا ای ییت دسته لری، شهید لر وئرسه لرده الده توفنگ ، تاپانچا و قمه ایله ائرمنی لرین قاباغیندا دایانمیشدیلار و ایسته ر ایسته مز خلقی خوی قالاسیندا دایانماغا و ساواشا تشویق ائدیردیلر . خلق دن بیر عیدده آما ظفره اینانماییب قاباغدان قاچماق ایستیردیلر کی بیرد ن بیره سونا اوغلان جیلدینه گیرسه ایدی ده ، ساری و زر ساچلارینی آچیب بیر قادین سیماسیندا ای ییت لرین باشینا گئچدی و سنگره گیریب هایقیراراق خلقی دایانیشا چاغیردی . کیشی لرتانیمادیق لاری بیر قادین ین بو جسارت و جاندان گئچمه یینی گؤره رک  ، اوره یه گلیب ائرمنی لرین سنگرلرینه گولله آچاراق ساعاتلارجا دایاندیلار و بو خبر کی دئییردیلر عثمانلی لار یولدادیلار و ایندی دی کی یئتیره لردوغرولاندی واونلار 700 عسگر ایله یئتیردیلرو خویو ائرمنی لرین الیندن قورتاریب قاچاقلارین سالدیلار . آما سونانین آتاسین دان سئوای هئش کیم بیلمه دی کی او جسورقادین کیم ایدی . او ساواش قیزیشدیقدا یئنه فدایی لر قیلیغینا دوشوب بیر اصلان کیمی دؤیوشوردی .خلق تکجه اونون زر ساچلارینی گؤروب  اصلان کیمی کوکره مه سینی دینله رکن آدینی زری خانیم قویدولار و ایللر گئچمه دن فدایی سونا، بالا زرخانیم آدلانیب ،حا ققیندا بئله بیر ماهنی یاراندی  :

 الده تاپانجا بالا زر خانیم

غیرتین قوربان بالا زر خانیم

شلته نی آت قاچ بالا زر خانیم

گله رم دالینجا بالا زر خانیم

اؤلرم یولوندا بالا زر خانیم

الده تاپانجا بالا زر خانیم

گله رم دالینجا بالا زر خانیم