الوداع
تکجه بیله جک سن
کؤچوب گئتدیم
مزاریما بیر چیچک قویوب گئتدی
الوداع
تکجه بیله جک سن
کؤچوب گئتدیم
مزاریما بیر چیچک قویوب گئتدی
یاشاران گؤزلر قیزیمین دی
آغلایان اوره ک اوغلومون دی
داها کیمسه بیلمه یه جک دیر
گئجه لری گوندوزه تیکدیم
اولدوز لاری باغریما باسدیم
کاغاذ اوسته آیی گونشی
رسم ائدیب صاباحا قاتدیم .
اؤلمه ییم ،
بیرآجی سیز خبرتکین
تکجه قوهوم قونشویا عایید
آما کاشکی
سئودیک لریم ، اوزو گول سئوگی لریم
خلقی مین اینجی لری
دویغولو چیچک لری
تکجه بیر سطریمی
ماهنی ائدیب اوخوسالار
من قاتیشارکن
تورپاقلارا .
گؤی قورشاغین قونا ق ائتدیم
ائل ده کیم وار خبر ائتدیم
گؤزل گؤیچک نازلی لار
بئل بوخونلو بیلک لی
هاردا وارسا ایگیت لر
ناغیل لارا آیاق قویدو
آزادلیقا دایاق اولدوم.
هئچ بیلمه یین نه دن اؤلدوم
یوخلوق ساچین نییه هؤردوم
تکجه آزجا بیرجه سؤز
دئییم گئدیب بو دییاردان
یورقون ایدیم بو حیاتدان
ایکی اوزلو آدام لاردان .
یانسا یانار تک سئوگیلیم
توزون سیلر کیتابلارین
پاسین آلار کلمه لرین
اوندا بیلر ندن اؤلدوم
ائل ده شن لیک یوخ اولموشدو
مین لر سایفا سؤز اولموشدو .
1394