علیرضا ذیحق
حکایه
قالار خدیجه گؤرهر نتیجه
آتالارین دئدیگیکیمی آدامین بختی یاتاندا حالوا دیشسیندیرار. دوغروداندا بئلهدیر. منیمده ددهمین اگر عمیمکیمی وار ـ دولتیاولسایدی، ایندی منده اؤزومه گؤره بیر آدامایدیم. آمماکاسیبچیلیقیناوزو قره اولسونکی بیز گئتدیک کؤشنده سوموکسیندیرماغا، عماوغلوموز گئتدی شهرده درس اوخوماغا. عماوغلوموزاولدو معلم، بیز اولدوق دابانی جیریق کچلباش. نئیلهمکدا هر کیمسهنینبیر طالعی بیر بختی وار. عماوغلوم معلم اولان گوندن منده معلمچیلیکمشقینه دوشدوم. آخی ائشیتدیگیمه گؤره آرزو ـ دیلک مفلسینسرمایهسیدیر.
علیرضا ذیحق
حکایه
قالار خدیجه گؤرهر نتیجه
آتالارین دئدیگیکیمی آدامین بختی یاتاندا حالوا دیشسیندیرار. دوغروداندا بئلهدیر. منیمده ددهمین اگر عمیمکیمی وار ـ دولتیاولسایدی، ایندی منده اؤزومه گؤره بیر آدامایدیم. آمماکاسیبچیلیقیناوزو قره اولسونکی بیز گئتدیک کؤشنده سوموکسیندیرماغا، عماوغلوموز گئتدی شهرده درس اوخوماغا. عماوغلوموزاولدو معلم، بیز اولدوق دابانی جیریق کچلباش. نئیلهمکدا هر کیمسهنینبیر طالعی بیر بختی وار. عماوغلوم معلم اولان گوندن منده معلمچیلیکمشقینه دوشدوم. آخی ائشیتدیگیمه گؤره آرزو ـ دیلک مفلسینسرمایهسیدیر.
بیز کار ـ کاسیبدا گرک بیر تَهَر سرمایهمیزی ایشه سالاق یایوخ؟! ألی أل اوسته قویوب اوتورماقدانکی یاخشیدیر! بونا گؤرهدهمعلمچیلیک مشقینه دوشَن گوندن تر ـ تلهسیک اکابر کلاسینا گئتمگهباشلادیم. گئجهلر یوخومدان کسیب باشلادیم سواد اؤیرهنمگه. خلاصهدؤرد ایل سوموک سیندیراندان صونرا ایکینجی صنفی بیتیردیم. آممادوزو بو دؤرد ایلده نهقدر زور وئردیم ایکی کلمهدن آرتیق اؤیرهنهبیلمهدیم. اودا بوکی چؤرهگه «نان» دئیهرلر سویا «آب». عرض اولسونخیتدهکلهییم نه بوغوم نه اؤلدوروم تازا آنلامیشدیمکی سواد اؤیرهنمکیعنی فارس دیلی اؤیرهنمک. بودا منیم ایشیم دئییلایدی. ایشایدیقضاایدی ویراردی بیردن اؤز دیلیمیده یاددان چیخاردایدیم، اوندا هامیدئیهردیکی: ـ «گؤزهل آغا چوخ گؤزهلایدی ووردی چیچکدهچیخارتدی» بونا گؤرهده معلمچیلیک خیریندن کئچیب نه دوه سوتوایستهدیم نه ده عربله گؤروشمگی. آللاه هئچ کسین آرزوسونو گؤزوندهقویماسین! منیمده آرزوم گؤزومده قالماسین دئییب بیر خیرداجا نؤکرینیزوار باشلادیم اونا سوت ـ قاتیق یئدیدمگهکی بلکه تئزلیکله یئکهلیب،درسه ـ مشقه گئدیب اولسون معلم. آمما بونودا دئمهلییمکی بالا ـ بالاعماوغلومون نابغه اولدوغونا ایمان گتیرمیشدیم. اوزده عماوغلوم ایله آراماولماسایدیدا، دالدادا اونون سوادیندان آغزیم آچیق قالاردی. ماشاءاللهائله سوادلیایدیکی منیم تک سوادسیزلاین قیامته تک، ایشی دئییلدیاونون دانیشیقیندان باش چیخاردا. آللاه اؤز آفاتیندان ساخلاسینماشاءالله ائله غلیظ فارسجا ـ عربجه کلمهلر ایشلهدیردیکی مسلمانائشیتمهسین کافر گؤرمهسین. عماوغلومون ائله بو استعدادا صاحاباولدوقونون کؤلگهسیندهایدیکی ترقی پلّهلرین بیر ـ بیر چیخیبمعلملیکدن چاتمیشدی مدیرلیگه. عماوغلوم مدیر اولان گوندن بری داهاکندیمیزده آدام تاپیلمازدیکی اونا ایشی دوشمهسین. چونکی آللاهینبرکتیندن هر ائوده بئش آلتی جوت اوغول اوشاق تاپیلارکی ایستهر ـایستهمز گرک مدرسهیه گئدیب سواد اؤیرهنهلر. سواد اؤیرهنمگه وامتحاندان چیخماغادا نئچهکی آللاهدا شاهددیر، گرک عماوغلومون بوغیاغیسی و چای پولوسو اونو دولمایا. یئنهده رحمت قاباقکی کفناوغروسونا. سوروشاجاقسینیز نییه؟! عماوغلوم «مدیر» اولان گوندناولوب بیزیم باشیمیزا بیر سیاستمدار. اودا نه سیاستمدارکی سؤیلهییر:«جمله جهان واقف اولسونکی بیزیم ملت یوخلویوب!» هارا یئتیریردایانمادان فارسی دیلینین نهقدر سرکهدن شیرین اولدوغوندان روایتلردئییر. کیمسهده ایستهییر: ـ «تورکی دیلینین نه ایرادی وار» دئیه داها ایشییاشدی. دوه نظرم بئله گزهرم ناغیلیدیر. قلم ـ مداد اونون ألیندهدیر.بیردن گؤردونکی عزیز تبرلیک بالان، دؤرد ایلده آنجاق ائده بیلدیبیرینجی صنفی بیتیرسین. جانیم سیزه دئسینکی گونش اوقدر باتیبچیخدیکی خیرداجا نؤکریز أته بویا دولدی. یاپیشدیم ألیندن آپاراممدرسهیه یازدیرام. کئچلین توکدن آجیغی گلنکیمی منیمده عماوغلوموگؤرهن گؤزوم یوخایدی. داها چارهمده یوخایدی. منّتدن کئچمیشایدی،منیم اوغلوم گرک معلم اولایدی. عماوغلوم منی گؤرهنکیمی آیاغاقالخیب عماوغلولوق احترامینی یئرینه یئتیردی. آمما دوزو یاخشیبیلیردیمکی پیشیک آللاه رضاسینا سیچان توتماز. آللاهدان گیزلین دئییلسیزدن نه گیزلین، اوگوندن بری منده باشلادیم عماوغلومون بوغیاغیسینی یئتیرمگه. خیرداجا نؤکریزین هوشوندان ـ عقلیندن نهقدرتعریفلهسم یئنه آزدیر. ماشاءالله درسینده اوقدر قاباغا گستمیشدیکیدوزون خبر آلاسینیز، بالا ـ بالا آز قالیردی عماوغلوسونون یئرین توتا.ائوده نه عیال اونون دیلین باشا دوشوردی نه من. قاتیق دوشاب کیمیقاتیب قاتیشیبدیرمیشدی. تومانا «شلوار» دئییردی باشماقا «کفش»بورادایدایکی ائششک گتیر معرکه یوکله. بونون قارنینین چؤرهگینآنجاق یئتیریردیق هاردا قالسینکی بیردانا دیلمانجدا توتوب گتیرهایدیک.داها گؤزلریم چیخمیشدی کلّهمه. خیرداجا نؤکریزکی بندهنین آغازادهسیاولا، ائله پوز ـ افاده صاحابی اولموشدوکی گل گؤرهسن. ألینی آغدانقرهیه ویرمیردی. ددهسی من اولماسایدیم شاهلیق ـ تزارلیق ادعاسیداائدهردی. دوزو بیرگون صبریم توکهنیب نه یئییبسن تورشلو آش.اوگوندن بری باشلادی آدام اولماغا. آمما دئمهگینه عماوغلومون بو ایشدنخبری اولوب باشلاسین دالیمدا یامان ـ یوغوزاکی من قولاقی توکلویم.خیرداجا نؤکریزیده اؤیرهتسینکی من ایله دورسون جنگه ـ فنگه. بیرزامان گؤزومو آچدیمکی بلی؟! یئنه باشلاییب اوتوزا «سی» دئییر أللییه«پنجاه». ایستهدیم آغزیمی آچام بیر قولاق بورماسی وئرهمکی، کنددنچیخیب کندی دانان کیمی، بیردن دئدی: «گلین اویناماق باشارمیر دئییرائو أگریدیر»
گؤزونوز پیس گون گؤرمهسین، أل آتدیم آغاجا دوشدومجانینا. وورکی یورولاسان. کتاب دفتر قالمادیکی باشینا چیرپیپ جیریق ـویریق ائتمهیم. رحم زاد دا تانیمیردیم. کَسسَک آتانین جاوابی داشایدی.باشینیزی نه آغریدیم اوگوندن یاپیشدیم ألیندن آپاردیم کؤشنه... ایندیاودا اؤزونه گؤره بیر أکینچیدیر. بیچین واختی ائله ایشلهییرکی منده اونونآیاغینا یئتیرهنمیرهم. داها ائله آدام اوزلو دانیشیرکی بیر کلمه «فارسی»آغزیندان ائشیدهنمهسن. آمما اودا منیم کیمی آرزو ائلهییرکی اوغلو معلماولا. آللاهی نه گؤروبسن، قالار خدیجه، گؤرهر نتیجه!
چرا بلاگفا وبتو مسدود کرد؟
با مهر و درود . بلاگفا وب ام را مسدود نکردم . خودم از بلاگفا خارج شدم . علت اش هم حذف بی اجازه پست ها توسط بلاگفا بود . سپاس از توجه شما بزرگوار