افسانه های آذربایجانی به زبان ترکی / هادی ، هه دی و هودو / علیرضا ذیحق

خوی ناغیل لاری / ائشیدیب یازان : علیرضا ذیحق

هادی ، هه دی و هودو

بیرگون وارایدی بیر گون یوخ ایدی . هادی ایله هه دی بیرده هودو وارایدی .اوچ قارداش ایدیلار . چیخیر لار شیکارا. بیر قوش وورور لار . هادی هدی دن  پیچاق ایستیر . هدی ده بیر پیچاق وئریر . ساپی وارایدی تتیه سی یوخ .هودو دا گئدیر بیر قابلاما گتیریر .

خوی ناغیل لاری / ائشیدیب یازان : علیرضا ذیحق

هادی ، هه دی و هودو

بیرگون وارایدی بیر گون یوخ ایدی . هادی ایله هه دی بیرده هودو وارایدی .اوچ قارداش ایدیلار . چیخیر لار شیکارا. بیر قوش وورور لار . هادی هدی دن  پیچاق ایستیر . هدی ده بیر پیچاق وئریر . ساپی وارایدی تتیه سی یوخ .هودو دا گئدیر بیر قابلاما گتیریر . یان یؤو ره سی دوز دیبی یوخ .اوجاق قوروب قوشو پیشیریر لر . دویونجا یئییب قورتولاندا ، هره سی ده بیر بود گؤتوروب آتیرلار چی یین لرینه .دابانا قووه ت هارا ؟ دوز ائوه . هودو آمماائله یورقون دوشور کی سَحَری نئیلیر لر یوخودان دور مور .هادی له هه دی دوشور لر یولا . هودو دورور اونلاری گؤرمور.دام قالمیر دیرماشیب باخماسین . آغاج قالمیر چیخیب آختار ماسین . چیخیر تپه یه . بوتپه یوخ اوتپه و گئنه بیر زاد گؤرمور.نئینه سین نئینه مه سین أل آتیر کؤینه یینه . یاخاسیندان ایینه چکیب تاخیر یئره چیخیر اوستونه . بویلانیر بو أ له توولانیر او أ له گؤ رور قارداشلاری یانیندا دی. اؤزوده قان تر ایچینده .زور بیللاهی نان بیر داری  گتیریر لر . کؤمه یه قاچیب داری نی سورور لر  ده رمانا . اونو اویودوب ساویریر لار .تلیسه تؤکور لر توتموری .  خارال دا هئچ توتموری. آنبارا دا یئر لش میری . گؤ زلر قالیر هودو دا . هودو دا یا خاسیندان بیر" بیره " توتو ب اوچ یاندان تؤ کولوب اؤلدورور لر . سورادا قابیغی نا ، داری نین اونون تؤکور لر.  آتا وورور لار آپارمیر . قا طیرین دا گوجو چاتمیر .  دوه ده یوک آلتیندا قالیب دورانمیر . یوک لور لر قاریشقایا .زحمه تی نن مین گوجونه ن یئتیریر لر ائوه . یوکو یئره آتینجا، آت لار ماجال وئر می ییب  چیخیر لار اوستونه .  مئیدان قوروب کیشنیر لر . آتلاری قووانمیرلار . داش شَنه آغاج دا اثر ائله میر .  هامی باخیر لار هودو یا . هودو دا أ ل آتیر کؤ ینه یینه . چاخماق داشین چیخاردیب  توتو ن کاغاذ بوکونجه ، اود آتدانیر نال لارا.  نال لار ده ییر بیر بیرینه. یئر عالمین اود گؤ تورور . تکجه قالیر بیر پالان ، بو سوزلرین هامیسی یالان .