قصه ای به زبان ترکی / عشقه خیانت / حئکایه / علیرضا ذیحق

علیرضا ذیحق

عشقه خیانت

حئکایه

من و اونون تانیش لیقی چوخ تصادفی ایدی .بیرکیتاب توکانیندا ایدیق و من بیر کیتاب اختاریردیم .کیتابچی دئیدی یوخ دی و او منه یاخین لاشاراق دئدی : " من ده واردی و امانت وئره بیل لم . "

علیرضا ذیحق

عشقه خیانت

حئکایه

من و اونون تانیش لیقی چوخ تصادفی ایدی .بیرکیتاب توکانیندا ایدیق و من بیر کیتاب اختاریردیم .کیتابچی دئیدی یوخ دی و او منه یاخین لاشاراق دئدی : " من ده واردی و امانت وئره بیل لم . " من کی چوخ دان ایدی او کتیتابین دالیجا گزیردیم اؤزومو گؤیول لی نیشان وئره رکن بو تانیش لیق سونکی گؤروش لرین تملی اولدی .متولوژی مهندیسی  ایدی من ده ایجتیماعی علم لر اؤیره نجی سی . اونونلا سینما ، تئاتر و رسام لارین سرگی سینه گئدیریک و ایستر ایسته مز آرامیزدا عشق قیغلجیم لاری  اوره ییمیزی ایشیقلاندیریردی .تاکی بیرگون منه ائلچی دوردی و هر ایکی میز اعلان عشق ائدیب ائولن دیک . اورتاق حیاتیمیز صمیمی رابیطه لر له باشلانیب دوام ائده رکن چتین لیک لر اوگون باشلاندی کی من ایسته دیم ایستیخدام اولوب بیر اداره ده چالیشام . او ایستیردی من بیر ائو قادینی اولام و دیشاری دا چالیشماما ایذین وئرمیردی .عجیب غریب سؤزلر دئییردی و سانکی همان آدام دئییل دی .  من ایستک لریم دن ا ل چکن دئییل دیم و بونو او یاخشی بیلیردی . بیله – بیله ده لج ائدیردی . قالمیشدیم معطل کی قولاغیما بعضی سؤزلر چاتدی . اوّل من دن گیزله دیردی لر . آمما سونرا آنامین آغزین دان قاچدی کی اریمین باشی بیر آیری سی نان مشغول دی و ایستخدام بهانه دی . اینانمالی دئییل دی . عصب لریم   پوزولموشدی و گرک بیر چیخار یولو تاپاردیم . عائیله م دن آلدیغیم ایپ اوجو لاری اساسیندا بیرگون اونلاری بیرلیک ده گؤردوم . منیم عشقیم ده تؤکن دیل لری اونا دا تؤکوردی .حیاتی بوسبوتون یالان لار لا دولو ایدی و اوزونه گلین جه دئدی : " من له سن بیر دونیانین آدام لاری دئییلیق. سنی یاخشی تانیمامیشدیم . اونا گؤره ده بو گونه جان کی ایکی ایل کئچیری قویمامیشام اوشاغیمیز اولا . دوزدی کی من سنه عاشیق ایدیم آمما اورتاق حیات تکجه عشق دئییل ."

پرده لر دوشموشدی و اونون خییانتی منیم حیاتیمی قارالتمیشدی . " کبینیمی وئره جک " دئدی و وئردی ده آمما بو بوشانماق ایله ، منیم ایل لری می و دویغولاریمی  ده وئره جک می ؟ او منی ازیب کئچمیشدی و منیم داها کیمسه یه اینانجیم قالمامیشدی . عشق دئدی یین دوغرودان دا یالان میش.