داستان کوتاه به زبان ترکی / میترا الیاتی / ترجمه به ترکی : علیرضا ذیحق

  میترا الیاتی / ترجومه : علیرضا ذیحق

هم مه شه  کی کیمی

یوبانیرسان . هم مه شه کی کیمی. بوش صندل ده اوتورور سان . بوتون یولو دوراغاجان قاچمیشدین . قورخورسان یئنه گئژ یئتیره سن . خانیم مو عَللیم  دئییر : - " گینه کی یوبا نیب سان! "

  میترا الیاتی / ترجومه : علیرضا ذیحق

میترا الیاتی

هم مه شه  کی کیمی

حکایه

یوبانیرسان . هم مه شه کی کیمی. بوش صندل ده اوتورور سان . بوتون یولو دوراغاجان قاچمیشدین . قورخورسان یئنه گئژ یئتیره سن . خانیم مو عَللیم  دئییر : - " گینه کی یوبا نیب سان! "

سالون داکی مریض لرین صفینه باخیرسان . بیر قادین سویوق دان گؤیَر میش دوداقلارین تَرپه دیری .: "هارداسان به خانیم . دورماق دان لاپ جانیمیز چیخدی!"

میزین اوستونده کی تیلفون زنگ چالیر . دال با دال .  دسته یی گؤتوره ر کن دوکتور دئییر : " بو نه وضعیت دی ؟ نوخوشلار قالیب لار قاپی نین دالیندا !" ایستیر سن دییه سن : " جَهَنّمه !َ" آمما دئمیر سن .  دیرناقلارینی چئینی ییر سن . خانیم موعَللیم دئییر : " گینه کی دیرناقلارین چئینی ییر سن !" دئییر سن : " سیزه گول گتیر می شه م ! "  اوشاقلار گولور لر .  دئییر سن : " لاپ تَزه گول ."

آتا دئییر : " تَزه گولوم هاردایدی بالا ! چورتومو پوزما ، قوی یاتیم ." صاباح گون چیخمامیش گرک گئده م  توکانا گول گتیره م!"

آنا نین اؤسکورمه یی توتوب و داوود ، حُوضون قیراغیندا اوتوراراق ، اَلینی سالیر سویا کی بلکه گؤرمه دی یی قیرمیزی بالیق لاردا ن توتا . یئل گلیری و اوشاقلار حَیَط ده قاچیر لار .  قورد اولسان گرک قاچاسان و قوواسان . یوخسا آَلیندن قورتولوب قاچاقلار .  قوزو کی اولدون گرک دورمویاسان . ائله گؤتورلن مه لی سن کی سنه چاتما یالار . چاتسالار اودوزوب سان باتیب سان ... "

آنا اؤسکورور : " سینه م لاپ قاویشیب لیلا . "

آتام گئدیب دی گولخانا یا . اؤزون لاپ یاپیشدیریب سان مشق دفترینه . آنام اؤسکورور . دال با دال . هم مه شه کی کیمی .  رنگی کی قارالیر  ،داوود له یه نی گتیریر.  اؤیویور و ایستیر قوسا کی  ، آغ له یه نین ایچینده قان لکه لر تاپیلیر . قاردا گؤروشَن قیرمیزی گول لر کیمی . داها اوزامانلار کیمی اَل قولونو ایتیرمیر سن . لعیا گیله جان قاچمیرسان و او گلمه میش قورخودان چاخ ویریب و آنانین یاشیل گؤزلری توماراق اوزه ن تیکیلمیر. دَسما ل لا  آغزی نین قیرمیزی لکه لرین ، داها اَلین تیتره مه دَن   سیلیرسن .

خانیم موعَللیم دئدی : " بو دَفة منه خاطیر باغیشلایین .  درس لرینده  یاخشی دی. فَغَط هردن یوبانیری . سؤز وئریر کی بیرده گئجیشمی یه ! "

بئواختا قالیرسان .داوود اوتوروب ائیواندا . گؤرمه سه ده گؤزلرین تیکیب قاپی یا  کی سن گله س و دییه : " آنانی آپاردیلار ."  دئییر سن: "  هارا ؟ " لعیا دئییر : " مین تخ لی خسته خانا یا . "

وسن او مین تختین بیرینه فیکیر له شی سن کی ایندی آنا اوردادیر .

یوبانیرسان . اوتوبوس گئدیب دی . سوروشورسان : " سونکو اوتوبوس هازامان گله جک. " صَفین باشیندا دوران کیشی کی با رماقینا زنجیر دولارکن  هئی اونوآتیب توتوری دئییر : " بئواختا قالیب سان هن ؟"

بیر سؤز دئمیر سن . گولوری . گؤزون قالیب دی ایستیخدام بیلدیریش لرینده .  دؤوره لرینه  قیرمیزی خط چکیر سن .  گونده لیک  قَزِئتی قاتلاییب قویورسان کیفینه .  کیشی دئییر : " هر زاد هئل لاییدی . هر زمان عشقی چکسه  او واخ گله جک دی . "

کمال دئییر : " هاچان گله جک سن لیلا !" دئییر سن : " هئش واخ ."

یئل اَسیر و پیرتلا شیق ساچلارین قاتیشیری. خییا باندان کی کئچیر سن بیرده دالی یا باخماق ایسته میر سن . خییابانین شئکلی و آغاجلاری گؤزلرینده تیتره ییر ی .

گول لری پر پر ائدیرسن .

آتا یا دئمیشدین : " منه گول گتیر . تپ تزه اولسون . بیر دسته قیزیل گول . "  آتا سنه گول گتیر میشدی .  داوود سوروشدو : " رنگ لری نه جور دی ؟ "

آتا دئمیشدی : " لیلا نین دیلار . " دولچانی گتیریرسن کی گول لری سویا  قویا سان . سحره جان نئچه یول ، جیه گر رنگینه چالان گول لره باخیرسان. "

آنا یوخ دی و داوود آغاج مؤهره لر له کی آتا بیله سینه دوزه لدیب دی ، ائو قاییریر و یادا اوجا بیر بُرج .  هئی دوزه لدیر و ییخیری.

داوود دئییر : "  لیلا گؤی نه رنگ دی ؟ "  کمال دئییر : " گؤی ائله گؤی رنگین ده دی ."

باخیرسان سولارا کی فوّاره لردن قالخیب گؤی ده فیرلا نسا لاردا ، آخیردا  تؤ کولور لر یئره .

" سیز هر گون پارکا گله رسیز ؟ "

" هرد ن  فَغَط جومعه لری قارداشیمی گتیرره م . "

داوود اَلین سورتور صندلین قیرا غینا . "

آتا دئییر : " بو قیچ آغریسی آخیر دا منی اؤلدوره جک ."

داوود اونون حَب لرین گتیریر .  سونرا اوتورور رادیوسونو ن  باشیندا .

اوتوبوس دان یئنه رک  او کیشی هله دالینجا دی.

دوکتور دئدی : " نی یاران اولما ، آتان خسته خا نا خرجی منیم  بوینوما .  سن فقط اؤز فیکره ن قال! "

-          " من داوودا آنا کیمی نه م . "

کمال دئییر : " پس اؤز یا شامین نئجه اولا جاق ؟ "

یوبا نیب سان و گونده لیک درگی اَلینده آدرس دالیجا گزیر سن .

کما ل سنه باخیری . گؤزلری نیگَران دی.  هم مه شه کی کیمی .

" بیزیم  یاشامی میز بیر بیریندن آیری دَیی ."

 داوود ون اَلیندن یاپیشیب یولا چیخیرسان .  جومعه لری ، هم مه شه کی کیمی پارک خلوت دیر .  داوود سوروشور : " گؤی نه رنگ ده دی ؟

-          "  گؤی اوزو  توزاناق  دی و کول کیمی رنگی وار . بیر عالم قات قاریشیق بولود لاری نان . "

یئل اسیر. هم مه شه کی کیمی .