علیرضا ذیحق
منیم آنام
محبت چیچه یی اوره ک نیسگیلی
قلبیمده هر زامان گؤزل سئوگیلی
وارلیقیمدا ، حیاتیم لا ایلگیلی
آنام دیر هر زامان آنام دیر منیم
کؤچرسه گئتسه ده بو دییار دان او
گؤزه ل دیر دونیادا هربیر یاردان او
جوشغون دورهر بولاغ دان پینار دان او
گونش تک پارلایان آنام دیر منیم
آنانین مکانی بهیشت دیر گولوم
آنا اؤزو بهیشت دیر کیمه گولوم؟
مزارینا قورباندیر دسته گولوم
بولاغ تک چاغلایان آنامدیر منیم
کئچسه ده ایللر سولورسادا گوللر
آشسا باشدان دا گورولتونن سئللر
شاهید اولورسادا دردیمه ائللر
منه تک آغلایان آنام دیر منیم
آنا یا جان دئیه ن جانلارا قوربان
گؤزونه اوزونه من هله حئیران
مینجه امک لرده چکسه او جئیران
منی دانلامایان آنامدیر منیم
چوخ ساغ اولون
اللرینه ساغلیق
چوخ گوزل و دویغولی بیر شعر
آللاه هامی آنالارین اولنلرینه رحمت و قالانلارینا اوزون عومور و جان ساغلیغی وئرسین.
سلاملار منیم اوستادیم و عزیز دوستوم
بو متنی نظرلر بخشینده قویما و اوخویاندان سونرا پوز و سیل گئتسین.
آشاغیداکی اوچ میصرانی من اوخویا بیلمدیم. ایملاسین یوخ، بلکه آغیرلیغین اوبیری میصراع لارینان اویغون لاشدیرا بیلمدیم.
اگر ایمکانی اولسا اونلاری فونوتیک علامت لرله و یا لاتین الیفبا ایله منه ایضاح ائله و ای میل ده، واتساپدا، تلگرامدا و یا اینستاگرامدا منه یوللا.
چوخلی ادب و حورمتله میننتدارام
چوشغون دورهر بولاغ دان پینار دان او
.
.
آنا اؤزو بهیشت دیر کیمه گولوم؟
مزارینا قورباندیر دسته گولوم
حورمتلی دوستوم طاهری جنابلارینا صمیمی سلام
بو اوچ میصراع کی آد آپاریب سیز هر او چوده 11 هجادیر .و باشقامیصراع لارلا بوسبوتون اویغون . تکجه " جوشغون " تاپ دا " چوشغون " گلیب کی اونودا ایصلاح ائتدیم .
آنا ا<زو بئیشت دیر کیمه گولوم ؟ بو گولوم ، گولمک دن دن گلیر و باشقا مصراع دا کی گولوم " منیم گولوم دئمک دیر یعنی گل من