دریا او دریا دئییل دی
حیکایه
ایللر سونرا ، یانیندا قدم ویریردیم . آمما فیکره دالیب گیژ کیمی ایدیم .نه دالغالار ساحیلی اؤپوردولر نه ده ساحیل بللی ایدی .یئر چات – چات اولموشدو و آتدیغیم آددیملار دوزا باتیردی . بیر آن بئله منه ائله گلدی کی سو باشیمدان آشاراق گؤزلریم آجیشدی .بیر خیاری ایکی بؤلوب سورتدوم گؤزومه کی سویون شورلوغونو آلسین .سونرا چیمه رک دالدیم دریانین درین لیک لرینه کی گؤز ایشله دیکجه ماوی لی یی گؤزه دَییردی .
علی اشرف درویشیان / ترجومه : علیرضا ذیحق
مَشقَت*
بالاجا اوغلان پیچا قین تیغه سینی ، نِی ین اوزون ساقه سینه یئرلش دیردی و دسته سینه فیشار وئردی . پیچاق هله نِی ین جانیندا ایدی کی بیر پاریلتی تیغه نین اوستونده زوودی و ایشیقی گؤزلرده هر طرفه یاییلدی .
ایلدیریمین شاخماسیندان ، سئیره لر نِیزارا اوچدولار .لاپ کیچیک لری سویا جومدو و داها گؤلون قیراغیندا گؤرسنمه دی .یاغیش ، سویوق ایدی و بالاجا اوغلان نِی لری دیققیلی قیسا تیکه لره بؤلدو .
علیرضا
ذیحق / قصه" قورخو / هراس" به زبان ترکی همراه با متن فارسی
قورخو
حکایه
باش دان آیاغا کپه نک ایدی . مین بیر رنگه چالیردی ، عِینَن آری لار کیمی کی آدامین بدنینه قونالار و حتتا گؤزلری ده توتا . بو ایلک تجروبه سی دئییلدی . یای کی اولوردی اورمانلارین کناریندا قدم ووروردی و کپه نک لر تاپیلیردیلار و قونوردولار اونون ووجودونا . ایلک دفعه اؤزونه ده عجیب ایدی حتتا بیله سین وحشت گؤتور موشدو . اونلار کی اونو کپه نک پالتار لا گؤرور دولر و کپه نک لر قاناد چالا – چالا اونو اورمانین اوجالیق لارینا آپاریردیلار ، فیکر ائدیردیلر کی شن لی و عظمت لی بیر روح یئر اوزونده اوچورو و اینانیلماز بیر معنوی حئیرته دالیردیلار .
علیرضا ذیحق
سئودا
نه کئچن گونلره گون چیخار بیرده
نه درمان تاپیلار کؤهنه لمیش درده
ییرتیلماسین حورمت دئییلن پرده
باریشیق دونیادا ان گؤزل سؤز دور
***
اوره ک لر شن اولسون سؤزلریمیز دوز
دوز اینسان یاشاسین دونیادا یوز
دُوس دا قانماز اولسا تئز بوراخ ال اوز
آجی سؤز هر زامان سؤنمه ین کؤز دور
* * *
داشسین کؤنولده محبت سئل لری
داراسین سئودامیز ساچاق تئل لری
اونوتمایاق وطن داشی ائللری
ائولاد لار وطنه اینان کی گؤز دور
1396
علیرضا ذیحق
اینسان و توپراق
سارماشیق گول لرین اؤپوپ کؤکؤن دن
آسیرام بیر کوف کیمی بوداق بوداقا
اوشاقلار کوف گئدیب
گولو مسه ییرلر
قاماشیر گؤزلری گون ایشیقیندان.