قصه ای به زبان ترکی/اوستا کمال / حئکایه / علیرضا ذیحق

علیرضا ذیحق

اوستا کمال

حیکایه

نه کی جماعت صفحه قویوب سؤز چیخاردالار و ایسته یه لر آبیری نان اوینالار ، یوخ ! موضوع اصلن بو دئییل . وار یوخونو اودوز موشدو و قاپی قونشو بیلیردی کی بو گون صاباح دی بوردان گئده جک لر . یعنی قاباقجا آروادی  قاپی قونشو اَلیندن کی مرتّب اونو سورغو سوآلا چکیردیلر آجیق ائدیب گئتمیشدی قیزی نین ائوینه کی حامیله ایدی و بو گون صاباح دوغاجاق ایدی و فقط کمال قالمیشدی .

   علیرضا ذیحق

اوستا کمال

حیکایه

نه کی جماعت صفحه قویوب سؤز چیخاردالار و ایسته یه لر آبیری نان اوینالار ، یوخ ! موضوع اصلن بو دئییل . وار یوخونو اودوز موشدو و قاپی قونشو بیلیردی کی بو گون صاباح دی بوردان گئده جک لر . یعنی قاباقجا آروادی  قاپی قونشو اَلیندن کی مرتّب اونو سورغو سوآلا چکیردیلرآجیق ائدیب گئتمیشدی قیزی نین ائوینه کی حامیله ایدی و بو گون صاباح دوغاجاق ایدی و فقط کمال قالمیشدی .

هامی دئییردی : " آروادی کمالا ائله دده یاندیر سین کی کمال اولماسی یادیندان چیخسین . قوجا واختیندا آدامین آغزی نین سویو آخسا ائله بئله ائلار .اوکی آبیر حیا قانمیر گرک ائله بو گونه دوشه ."

حتتا قاپی قونشودا کی آرواد لار امامزادی یا گئدیب دخیل دوشموشدولر و اوردا کی میرزه لردن دوعا آلیردیلار کی اگر اَرلری نین آیری آرواد لاردا گؤزو اولسا ، اونلارین محبتی نی قلب لرین دن چیخارتسین لار .حتتا آرواد لاردان بیری اوزونو قیبله یه توتوب آند ایچیردی کی بو سگگیزیمجی ایدی  و هامی سینی تانی ییری آمما کمال بو سری قویروق اشله وئریب دی و صیغه سی نین قوجاغینا بیر اوشاق وئره رکن اَلی اوخونوب دی .

آغا کمال ین اوره یی قیدی ویدی چالیردی و قضادان اوگون کی تئاتر ین قاباغیندا حالی قاریشدی و " هاله " اونو قاپی لارینا جان یئتیردی ، هامی داها دالیندا کی سؤزلره اینانیب دئییردیلر بو آخیریمجی صیغه سی دی .

آغا کمالین کی بو سون گونلرده بدنی آغری ییب حالی هئچ خوش دئییل دی ،ائوین  ور- وساییلینی باغلارکن اؤزونه عایید اولان شئی شویی ییغیب ییغیشدیرار کن قیویز زیورین ایچینده گؤزو  ساتاشدی قدیم ما هنی لارا کی عشق دن سؤز اچیردیلار و جوانلیق گونلرینی خاطیرلاسین دئیه قویدو قولاق آسا و سسینی اوجالتدی .

آروادلارین بیری ده کی ه نه بیردن بیره بلکه ایشی او ایدی کی قاپی قونشو یا باش ویریب اولوب بیته نی اؤیره نه ، اونلارین قاپی سیندان کئچر کن  او ماهنی لاری ائشیدیب و بیر ان دوروخارکن ، بوتون قونشولارا تیلفون آچیپ ییغدی قاپی نین اؤنونه کی گلین باخین گؤرون سئوگیلی سیندن اؤتور نه اوخوماق لار قویوب قولاق آسیر. دئییب گولمک لر آراسیندا چوخ سؤزلر دئییلسه ده هاملیق جا بو سؤزو دئییردیلر :

" آلچاق آدام هئچ ده اوتانمیر . ائله بولور کی اون بئش یاشیندا اوغلان دی. هئچ اونا گلمیر کی  بوآریق پیس پیس لی بوقدر ده چینه دن چیخمیش اولا .. دئمه کی او اوستامیش بیزیم خبریمیز یوخ ایدی ."

اونون صابح کی گونو ایدی کی هامی نین خبری اولدی آغا کمال ائولرینی داشی ییری و قاپی قونشو اَل آیاقدا ویرنیخیردیلار کی یعنی یاردیم ائدیریک و بو گؤزل لیک ده قونشو حئییفدی کی بوردان گئدیری . هامی دا اونلارین نجابتین دن و اصلی کؤک اولدوقلاریندان سؤز آچیردیلار و دئییردیلر کی اؤزلریندن پیس لیک گؤروب لر آمما اونلاردان یوخ . کمال دا کی دیل باز بیر آدام دئییل دی اونلارین بو کئف ده محبت ائتمه لریندن اوتانیردی و تکجه گولوشو ایله آنلادیردی کی محبت لرینی یاددان چیخارتمایاجاق دی .

آغا کمال لا آروادی بالا- بالا کیرا اوتوماغا عادت ائدیردیلر کی بیرگون هاله تیلفون آچدی و دئدی گرک بو گون تئاترا گله سیز .هاله ایستیردی کی یئنی تاماشاسی نین آچیلیشیندا اوستا کمال دا اولا و مختصر ده اولسا " برشت " ین تکنیک لرین دن سؤز آچا .

کمال آغا دا کی همیشه آز دانیشاردی قیساجا حالدا سؤزلرینی دئدی و جماعتین چپی یی آراسیندا اوتوردو یئرینه و خانیمی لا بیرگه تامشلنی سئیر ائتمه یه باشلادیلار .

کمال اهمالجا دئدی : " ایندی کی فیکیر له شیرم گؤره م چوخ عجاییب بیر ایش دی ! "

خانیمی دئدی : " هئش زاد عجیب دئییل !"

کیشی دئدی : " دئمی شم کی منیم سؤزومه سؤز دئمه !نه جور اولسا منیم تجروبه م سن دن چوخدی . مثلن بیر آی قاباق ، هر هارا   کی گئتدیم ائوین قباله سینی " دوزگون"  ون آدینا ویردیرام رئیسین آدی " دوزگون " اولماسادا اوردا ایش له ین لرین آدلاری " دوزگون " ایدی . پالتارلاری مقام لاری دا بیر بیر لری نن فرق ائتسه قیلیق لاری  بیر بیریندن قیل ویرمیردی .یانی

سن دئییر سن بو عجیب دئییل ؟

قادین دئدی :

نه کی تعجّوبو یوخ دو چو خدا عادّی بیر شئی دی . یانی دوزاو گونلردن کی " موژقان "  یونیورسیته نی بیتیریب لیسانسینی آلدی چون بیزیم سوی آدیمیز " دوزگون " دئییلدی هئچ یئره بیله سینی ایتیخدام ائله مه دیلر من ائله بونو آنلادیم . سورادا کی قارنیمیزدان و اَینی باشیمیزدان کسیب موژقان " ی یوللادیق یوکسک لیسانس آلا ، و نئچه ایل درس اوخویوب قاییداندان سورا  گینه چون سوی آدیمیز " دوزگون " دئییل دی  اونا ایش تاپیلمادی و سن ایلیشدین کی گرک یوللایاق دوکتورلق درجه سینی آلا من ائله آنلادیم کی بو مملکت ده هئش زاد عجیب دئییل . قیزین دا کی بوله سن دونیا جا خرجی وار . کیلاس ایستیز جئهیز ایستیر اَر ایستیر و مین دنه  آیری خیریم خیردا خرج . سنین معاشین  داآنجاق باققالی نان قصابا یئته ر . "

کیشی دئدی : " بئینیمی آپاردین . نه قدر ده دانیشیرسان ! دینمه گؤروم نه اولدو ؟ "

قادین دئدی : " قورخما هئش زاد اولمویوب . موژقان اوچون کی پیس اولمادی . هئش بیر اسکی یی یوخدی . ایشی ، اری اوشاقی و ائوی هرزادی وار . فقط بو آراددا بیز مجبور قالدیق ائویمیزی ساتاق . فیکریم ده تاماشادا دی . دامادیمیز " دوزگون " کی گلدی تاماشادا هرنه بیتیب گئچیب دی بیر بیراونا  تعریف له یه جه یم  دوزدو کی بولوسن هونَر نه دی چو خدا باش آشماز ! 

متن فارسی  : اوستا کمال / داستان کوتاه / علیرضا ذیحق